RESTAURATIOUN VUM DAACH
VUN DER KAPELL A VUM KLACKENTUERM
VUM BENEDIKTINERINNE - KLOUSCHTER ZU PEPPENG
Fir d’Éischt:
E GROUSSE MERCI UN ALL MENSCHEN,
DÉI VUN 2022 BIS HAUT
D’ASSOCIATION DU MONASTÈRE DE PEPPANGE (AMP)
BEI DËSEM PROJET ËNNERSTËTZT HUNN!
No 120 Joer war et onëmgänglech den Daach vum Klouschter awer virun Allem vun der Klouschterkapell a vum Klackentuerm ze restauréieren.
De Chantier vun der Restauratioun vum Daach vun der Kapell huet ugefaang.
De Montage vum Gerüst vum Klausursgaart aus gesinn
An alle Kléischter vun de Benediktinerinnen vun der éiweger Ubiedung ass d’Maria, Mutter Gottes, fir ëmmer als Äbtissin agesat. An der Klouschterkapell zu Peppeng steet op der Plaz vun der Äbtissin d’Tréischterin am Leed mat an der rietser Hand net den Zepter, wéi an den anere lëtzebuerger Kierchen a Kapellen, mee dem Äbtissinnestaf. |